Ushqimi jokancerogjen

NoThInG · **Ushqimi jokancerogjen -** 03-13-2008, 09:12 PM

Sot gjithnjë e më shumë flitet se me anë të ushqimit mund të shërohet kanceri. Në fakt, këtu flitet për përbërësit jokancerogjen të cilët gjenden në ushqime të ndryshme, të cilët ngadalësojnë rritjen e qelizave të kancerit.

Kur flasim për kancerin duhet të jemi të vetëdijshëm se ndryshimet kancerogjene në organizmin tonë ndodhin shumë shpejtë dhe se kanceri te personat të ndryshëm mund të paraqitet në formë patologjike, ndërsa te tjerët jo. Derisa shkenca botërore përcakton ndikimin e ushqimit në paraqitjen e kancerit, shumë lehtë vërehet se në vendet e lindjes përqindja e paraqitjes së kancerit është më e ulët sesa në vendet perëndimore. Shkencëtarët mendojnë se kjo është rezultat i mënyrës së ushqimit dhe marrjes së llojeve të ndryshme të ushqimit.

Qe një kohë të gjatë dihet se përbërësit kryesorë të ushqimit proteinat, karbohidratet, yndyrat, vitaminat dhe mineralet, janë ushqyesit kryesorë të organizmit. Megjithatë, po ashtu dihet se në ushqimet bimore gjenden edhe lidhjet fitokimike të cilat përmbajnë pikërisht veprimin antikancerogjen. Substancat fitokimike veprojnë në procesin e angiogjenezës (formimit të enëve të gjakut të kancerit) dhe nxisin sistemin imun, duke penguar rritjen e mëtutjeshme të qelizave të kancerit.

Disa nga substancat fitokimike janë genistein i cili është i pranishëm në sojë, kurkumina, delfinidina në boronicë, glukozinolati në lakra, polifenolet e ndryshme të cilat gjenden në çaj, dialilsulfidet në qepë, sulforafan në brokoli etj.

Nëse dëshirojmë që organizmit t’i sigurojmë mbrojtje të vërtetë, duhet që ushqimet e shënuara më lartë të konsumohen më shpesh, dhe është me rëndësi të mos zihen së tepërmi, pasi që substancat e ndryshme pas zierjes nuk janë aktive.

Po ashtu nëse hamë ushqim të papërpunuar, është e nevojshme që të përtypet mirë me qëllim që substancat fitokemike të lirohen në qeliza. Me përparimin e shkencës gjithnjë e më shumë zbulohen materie të fshehta të cilat e ndihmojnë shëndetin tonë.