Shkruan "Albi Allamani, student informatike në Itali, ndiqet penalisht në gjendje të lirë për ndërhyrje në transmetimet kompjuterike

“Bell Air” denoncoi hucker-in shqiptar. Blinte bileta në internet me kartat e kreditit të emigrantëve në SHBA

TIRANE- I mjaftonte një lap-top dhe zotësia e tij në informatikë për të fluturuar qoftë edhe për një kafe në Tiranë. Pa paguar asnjë lek nga xhepi i tij për biletën. Albi Allamani, student shqiptar në Itali, është i pari pirat kompjuterash, i akuzuar nga policia shqiptare për vjedhje dhe ndërhyrje në transmetimet kompjuterike.

Pak ditë më parë ai është denoncuar nga kompania e fluturimeve ajrore “Bell Air” në policinë e Tiranës, pasi prenotonte bileta avioni nëpërmjet internetit, duke i paguar ato me kartat e kreditit të disa shqiptarëve, emigrantë në Shtetet e Bashkuara të Amerikës. Pas denoncimit, agjentët e Antikrimit Ekonomik kanë filluar hetimet në gjendje të lirë për Albi Allamanin, deri në kohën që do të kryhen verifikimet e nevojshme me “viktimat” e tij në SHBA.
Denoncimi
Kompania “Bell Air” ka rënë në gjurmë të “hucker”-it shqiptar pas disa ankesave të pronarëve të kartave të kreditit. Sipas zëdhënëses së policisë së Tiranës, Alma Katragjini, Allamani blinte vazhdimisht bileta avioni nëpërmjet internetit në kompaninë e mësipërme ajrore me karta krediti. Vetë përfaqësuesit e “Bell Air” kanë filluar verifikimet, pas ankesave të mbërritura nga pronarët e këtyre kartave. Ata kanë zbuluar se kartat e përdorura në internet prej Albi Allamanit u përkisnin disa shqiptarëve, emigrantë në Shtetet e Bashkuara të Amerikës. Dyshimet u verifikuan nga mospërputhja e shtetit ku ndodhej prenotuesi, biletave dhe shtetit ku banonin pronarët e kartave të kreditit. Policia e Tiranës pohoi se “Bell Air” kishte zbuluar se Allamani qëndronte në Itali dhe përdorte nëpërmjet internetit kartat e kreditit të emigrantëve shqiptarë në SHBA. Fill pas verifikimeve, përfaqësuesi i kompanisë ajrore i është drejtuar policisë së Tiranës, ku edhe ka bërë denoncimin.
Hetimi
Albi Allamani u kap dje nga policia e Tiranës në aeroportin e Rinasit, teksa po tentonte të udhëtonte në drejtim të Italisë me një biletë të prenotuar në internet. Ai u dërgua në mjediset e drejtorisë së policisë, ku u mor në pyetje lidhur me denoncimin e bërë në emër të tij, e më pas u vendos të ndiqej penalisht në gjendje të lirë. Megjithëse mekanizmi i përdorur nga studenti i informatikës për blerjen e biletave është terren i pashkelur për policinë shqiptare, agjentët e Antikrimit Ekonomik kanë filluar procedim penal kundër tij. Nga ana tjetër, agjentët e Antikrimit Ekonomik kanë filluar verifikimet mbi emigrantët shqiptarë në Shtetet e Bashkuara të Amerikës, të cilët kanë humbur para nga kartat e tyre të kreditit pa e kuptuar. Mësohet se ende nuk ka një shifër të saktë dëmi të shkaktuar prej Allamanit, por hetimet e mëtejshme, në bashkëpunim me Prokurorinë e Tiranës pritet ta zbulojnë shifrën në dëm të emigrantëve shqiptarë në Amerikë. Në fokus të hetimeve janë edhe shërbime të tjera të përfituara në të njëjtën mënyrë nga “pirati” i kompjuterave, Allamani.


HETIMI

Studenti hynte në serverat e bankave

TIRANË- Si provë materiale, policia e Tiranës ka bllokuar një kompjuter lap-top si dhe pajisje të tjera elektronike që përdoreshin nga studenti Allamani për të hyrë në rrjetet dhe serverat e bankave të ndryshme, duke zbuluar të dhënat personale të klientëve. Hetuesit pohojnë se Allamani ka mundur të hyjë në të dhënat e bankave të ndryshme në internet, ndërsa ka mundur të hapë rrjetin e brendshëm të informacionit, (IP), nëpërmjet një programi pirat kompjuterik të quajtur “Black hidden”. Kësisoj ai ka mundur të zbulojë emrat e emigrantëve shqiptarë, klientë të bankave dhe më pas ka mundur të “zbërthejë” edhe kodet e kartave të tyre të kreditit. Pas hetimeve të kryera, agjentët e Antikrimit Ekonomik kanë dërguar dosjen e Allamanit në Prokurorinë e Tiranës, për hetime të mëtejshme. D.B

mos i ngatarro gjerat nuk mund ti thuash hacker atit qe ka nje bot qe i gjen cc edhe pren bileta e ben kshu blerjesh ne internet ... Hacker mund ti thuash atit qe vjell nje bank pa ran ne sy edhe ti gezoj ato lek. Razor po qe ka qen nje hacker qe edhe hollivudi i ka dedikuar nje film ai arriti ti fikte nje kompanie 20 000 Kopjutera per nje koh te gjat

ka te drejt tani.o njish kemi dhe ne nje 15 vjecar qe ka vjedh 200000 milion lek ne bank

nga e din ti mer ? edhe nga qenka ky ?

tr e kam degju ne lajme po ka me shum se tre vjet kur ka vjedh leket ka qen 12

hahahahahhaha rri ti fratelloooo shiko ca bejne 12 vjec-aret :P

e kam degju se jam shum i fiksum pas ktyre gjerave.vdes per tu bo pak pirat kom

shorela nuk esht e veshtir me mar lek nga interneti po esht me menu ku me i cu edhe se si me i shiju !!!! Kapishhh ?

hahahahha une kapish o frat po asht puna se si me i shiju pa te hy ferr ne kembe ketu eshte problemi

po na nimo ne si ti shpenzoj thot.me ke premtu nja 1.5 milon euro maj llafin