SHBA, Ndihma Kosoves

Washington-“Shtetet e Bashkuara dhe partnerët europianë po planifikojnë një konferencë donatorësh për Kosovën në muajt e ardhshëm në mënyrë që të mbështesin qeverinë e re të pavarur”. Keshtu ka bere te ditur Ne nje konference telefonike me gazetaret, nensekretari amerikan i shtetit per çeshtjet politike, Nicolas Burns. “Kosova mund të marrë 335 milion dollarë ndihmë amerikane për vitin 2008, një rritje prej katër herësh në krahasim me vitin e kaluar”, tha Burns.
Lidhur me forcat nderkombetare ne Kosoves zoti Burns theksoi se forca e NATO-s prej 17,000 vetesh ne Kosove, e cila perfshin 1,600 trupa amerikane, do te mbeten atje per nje kohe te pacaktuar së bashku me policinë e Bashkimit Europian për të garantuar sigurinë dhe për të mbrojtur interesat e serbëve etnikë.

Lidhur me Serbine Burns theksoi interesin e Shteteve te Bashkuara per te patur marredhenie te mira me Serbine dhe per te ndihmuar Beogradin. "Ne e shikojme Serbine si pjese te Europes dhe ne dime se Ballkani eshte pjesa e fundit e Europes e cila nuk ka marre perfitimet qe erdhen me mbarimin e Luftes se Ftohte, ekonomike apo politike. Jugosllavia do te shperbehej pa tjeter e ashtu ndodhi dhe kjo eshte pjesa e fundit e mbetur nga ish Jugosllavia – fakti qe Kosova eshte bere tani e lire dhe e pavarur. Ne shpresojme se populli serb, kosovaret, boshnjaket, malazezet, kroatet, shqiptaret, maqedonasit, te gjithe pra te mund te shikojne perpara drejt nje te ardhmeje ne Europe, me Bashkimin Europian dhe me NATO-n."

Nensekretari Burns theksoi se per ceshtjen e Kosoves administrata e Presidentit Bush i hapi rruge Rusise duke e vonuar keshtu njohjen e Kosoves per te lejuar bisedime te metejshme mes Serbise dhe kosovareve, bisedime qe u bashkekryesuan nga Moska, Shtetet e Bashkuara, dhe Bashkimi Europian, e ashtuquajtura Treshe diplomatike.

Ai tha se kur bisedimet deshtuan nga fundi i vitit te kaluar, erdhi koha per te ecur perpara me njohjen. Megjithate zoti Burns tha se nuk pret ndonje perplasje thelbesore me Mosken qe do te demtonte fushat e tjera te bashkepunimit amerikano-rus. "Kur nje vend thote se kjo njohje ishte nje tronditje apo nje hap jo i drejte politikisht apo ligjerisht, ne nuk jemi aspak dakord me kete pikpamje. Pra, une nuk pres ndonje fare krize me Rusine per kete çeshtje. Ne presim qe ruset te mbeshtesin qendrueshmerine ne rajon. Dhe mendoj se te gjithe ne do te kerkojme qe njerezit te ruajne qetesine dhe qe autoritetet kosovare te lejohen te vendosin qeverisjen e tyre e te ecin perpara."